Azərbaycan, Bakı, 30 sentyabr /Trend, müxbir İlkin İzzət/
Sentyabrın 30-da müdafiə sənayesi naziri Yavər Camalov İsrailin Azərbaycana yeni təyin olunmuş fövqəladə və səlahiyyətli səfiri Dan Stavı qəbul edib.
Müdafiə Sənayesi Nazirliyindən Trend-ə bildiriblər ki, səfirə diplomatik fəaliyyətində uğurlar arzulayan nazir Y.Camalov Azərbaycanla İsrail arasındakı ikitərəfli münasibətləri yüksək qiymətləndirdiyini vurğulayıb.
Y.Camalov rəhbərlik etdiyi nazirliyin fəaliyyəti ilə bağlı səfirə məlumat verib.
Səfir Dan Stav səmimi qəbula görə minnətdarlığını bildirib.
Görüş zamanı qarşılıqlı maraq doğuran məsələlər ətrafında geniş fikir mübadiləsi aparılıb.