...

Qənirə Paşayeva Sudan və Uqanda nazirləri ilə Qarabağdan danışıb

Siyasət Materials 25 İyul 2016 12:12 (UTC +04:00)
Millət vəkili Qənirə Paşayeva Sudanın sərmayələr naziri Osama Faisal Elsayed, Uqandanın nazirləri Musumba İsaak, Namuganza Persis və millət vəkili Anita Among Annet ilə görüşüb.
Qənirə Paşayeva Sudan və Uqanda nazirləri ilə Qarabağdan danışıb

Bakı. Trend:

Millət vəkili Qənirə Paşayeva Sudanın sərmayələr naziri Osama Faisal Elsayed, Uqandanın nazirləri Musumba İsaak, Namuganza Persis və millət vəkili Anita Among Annet ilə görüşüb.

Görüş zamanı o, Azərbaycanın Sudan və Uqanda ilə dostluğun inkişafına önəm verdiyini deyib. Müzakirələr zamanı millət vəkili onlara Azərbaycanla bağlı, ölkənin iqtisadi inkişafına dair və Qarabağ həqiqətləri ilə bağlı geniş məlumatlar verib.

Q.Paşayeva Sudan və Uqanda nazirləri və millət vəkillərinə Ermənistanın işğal etdiyi Azərbaycan torpaqlarında törətdiyi vandalizm aktları, 1 milyon azərbaycanlının Ermənistanın işğalı nəticəsində öz yurd-yuvalarından qaçqın və məcburi köçkün düşməsi barədə ətraflı məlumatlar verib.

Məcburi köçkünlərin fundamental insan haqlarının bu gün də Ermənistan tərəfindən pozulmaqda davam etməsi, rəsmi İrəvanın yüz minlərlə azərbaycanlı qaçqın və məcburi köçkünün 15 ildən artıqdır ki, öz ev-eşiyinə dönməsinə imkan verməməsi barədə söhbət açan Q.Paşayeva “Dünyanın harasında yaşamasından asılı olmayaraq ədalətin yanında olan hər kəs Ermənistanın törətdiyi vandalizm aktlarına, körpə uşaqları qətlə yetirməsinə, yüz minlərlə azərbaycanlının Ermənistan tərəfindən pozulmaqda davam edən fundamental insan haqlarına laqeyd, seyrçi qalmamalı və buna qarşı öz etiraz səsini ucaltmalı, azərbaycanlı qaçqın və məcburi köçkünlərin öz ev-eşiklərinə dönməsi üçün səylərini artırmalıdırlar”.

Millət vəkili Q.Paşayeva Sudanın sərmayələr naziri Osama Faisal Elsayed, Uqandanın nazirləri Musumba İsaak,Namuganza Persis və millət vəkili Anita Among Annetə Azərbaycan həqiqətlərinə, tarix və mədəniyyətinə, Dağlıq Qarabağ münaqişəsi və Ermənistanın işğal etdiyi Azərbaycan torpaqlarında törətdiyi vandalizm aktlarını, azərbaycanlılara məxsus tarixi-mədəni, dini abidələri, qəbiristanlıqları məhv etməsini özündə əks etdirən materialları, “Azərbaycan həqiqətləri” filmləri kataloqunu da təqdim edib.

Sudanın sərmayələr naziri Osama Faisal Elsayed, Uqandanın nazirləri Musumba İsaak, Namuganza Persis və millət vəkili Anita Among Annet ölkələrinin Azərbaycanla dostluğun inkişafında maraqlı olduğunu və buna böyük önəm verdiklərini deyərək əməkdaşlığın daha da genişlənməsinin önəmini vurğulayıblar və geniş fikir mübadiləsi aparılıb. Millət vəkili Q.Paşayeva Sudan və Uqandanın bir sıra mətbuat və media qurumlarına geniş müsahibələr də verib.

Məqalədə:
Xəbər lenti

Xəbər lenti