Bakı. Elmira Tariverdiya - Trend:
Azərbaycan təkcə güclü multikulturalizm irsinə malik deyil, həm də dini və etnik azlıqların müdafiəsini konstitusiya əsasında təmin edən müsəlman çoxluğunun olduğu azsaylı dünyəvi ölkələrdən biridir.
Trend-in məlumatına görə, bu barədə "Muslim World Today" nəşrinin icraçı direktoru Supna Zaidi Perinin ABŞ-ın "The Daily Caller" saytında dərc edilən məqaləsində deyilir.
O yazır ki, son illər regional qeyri-sabitlik Azərbaycanda xarici mənşəli ekstremist qruplara imkan yaradaraq ölkədəki azlıqların sakitliyinə təhdid törədir: "Bununla mübarizə aparmaq üçün Azərbaycan hökuməti fəal mövqe turtur. Bundan başqa, Azərbaycanın təhlükəsizlik qüvvələri İsrail və Britaniya səfirliklərinə qarşı terror aktlarının qarşısını alıb".