Bakı. Anaxanım Hidayətova - Trend:
Bakı sakinləri bütün həftə boyunca Ümumdünya italyan mətbəxi həftəsi günlərində İtaliya milli mətbəxi yeməkləri, salat və desertlərini dada biləcəklər.
İtaliyanın Azərbaycandakı səfiri Campaolo Kutillonun Trend-ə bildirdiyinə görə, həftə ərzində ümumilikdə bütün dünyada 300-ə yaxın tədbir keçirilməsi nəzərdə tutulub və bu tədbirlər çərçivəsində insanlar italyan mətbəxi, məişəti ilə yaxndan tanış ola biləcəklər.
Səfir qeyd edib ki, Bakıda da noyabrın 26-dək beş müxtəlif tədbir baş tutacaq. C.Kutillon paytaxt sakinlərini və qonaqları Turin, Milan, Siciliya və digər şəhərlərin mətbəxləri ilə tanış olmağa dəvət edib.