Bakı. Trend:
Rusiya və Türkiyənin xarici işlər naziri Sergey Lavrov və Mövlud Çavuşoğlu Cənubi Qafqazdakı vəziyyəti müzakirə edəcəklər.
Trend-in məlumatına görə, bu barədə Rusiya Xarici İşlər Nazirliyinin (XİN) mətbuat xidmətinin rəhbəri Mariya Zaxarova bildirib.
Onun sözlərinə görə, nazirlərin görüşü dekabrın əvvəlində Türkiyənin Alanya şəhərində baş tutacaq.
S.Lavrovun dekabrın 1-də Türkiyəyə səfər edəcəyi gözlənilir.
M.Zaxarova deyib ki, S.Lavrov türkiyəli həmkarı ilə gələn il keçiriləcək Rusiya-Türkiyə Yüksək Səviyyəli Əməkdaşlıq Şurasına hazırlığı da müzakirə edəcək.