...

Zübair Mahmud Hayat: Pakistan Dağlıq Qarabağ məsələsində Azərbaycana dəstəyini davam etdirəcək

Siyasət Materials 20 Yanvar 2017 18:43 (UTC +04:00)
Azərbaycan Respublikasının Pakistan İslam Respublikasındakı səfiri Əli Əlizadə Pakistan İslam Respublikasının Silahlı Qüvvələrinin Birləşmiş Qərargah Rəisləri Komitəsinin sədri, ordu generalı Zubair Mahmud Hayatla görüşüb
Zübair Mahmud Hayat: Pakistan Dağlıq Qarabağ məsələsində Azərbaycana dəstəyini davam etdirəcək

Bakı. Trend:

Azərbaycan Respublikasının Pakistan İslam Respublikasındakı səfiri Əli Əlizadə Pakistan İslam Respublikasının Silahlı Qüvvələrinin Birləşmiş Qərargah Rəisləri Komitəsinin sədri, ordu generalı Zubair Mahmud Hayatla görüşüb.

Səfirlikdən Trend-ə verilən məlumata görə, Görüşdə Azərbaycan və Pakistanın hərbi sahədə əməkdaşlığının davamı və qarşıda duran vəzifələr, təcrübə mübadiləsi, qarşılıqlı səfərlərin təşkili haqqında fikir mübadiləsi aparılıb.

Ermənistanın təcavüzkar siyasəti haqqında məlumat verən səfir Pakistan dövləti və xalqının, eyni zamanda ordusunun ölkəmizə birmənalı dəstəyinin Azərbaycan dövləti və xalqı tərəfindən daim yüksək qiymətləndirildiyini bildirib. Azərbaycan Prezidentinin qardaş Pakistanla əlaqələrə xüsusi önəm verdiyini bildirən səfir Əli Əlizadə, Azərbaycanın hər zaman Pakistanın yanında olduğunu, Kəşmir üzrə İslam Əməkdaşlıq Təşkilatının Təmas qrupunun üzvü kimi Kəşmir məsələsinin BMT-nin TŞ-nın qəbul edilmiş qətnamələri əsasında tezliklə həll olunmasının tərəfdarı olduğunu diqqətə çatdırıb.

Pakistan İslam Respublikasının Silahlı Qüvvələrinin Birləşmiş Qərargah Rəisləri Komitəsinin sədri, ordu generalı Zübair Mahmud Hayat iki ölkə arasındakı münasibətlərin tarixi, mədəni, dini əsaslara, ortaq dəyərlərə söykəndiyini, Pakistanın Azərbaycanla əməkdaşlığa daim diqqət göstərdiyini, Dağlıq Qarabağ məsələsində Azərbaycana dəstəyinin davam edəcəyini qeyd edib, Kəşmir məsələsində Azərbaycanın mövqeyinə görə təşəkkür edib.

Məqalədə:
Xəbər lenti

Xəbər lenti