...

Deputat: Cocuq Mərcanlıya qayıdış böyük qayıdışın başlanğıcıdır

Siyasət Materials 25 Yanvar 2017 13:58 (UTC +04:00)
Prezident İlham Əliyevin işğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında sərəncamı çox ciddi bir addımdır.
Deputat: Cocuq Mərcanlıya qayıdış böyük qayıdışın başlanğıcıdır

Bakı. Elçin Mehdiyev - Trend:

Prezident İlham Əliyevin işğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında sərəncamı çox ciddi bir addımdır. Bunu Trend-ə Milli Məclisin deputatı Bəxtiyar Sadıqov deyib.

B.Sadıqov bildirib ki, bu sərəncamla Azərbaycan xalqının çoxdan arzuladığı istəyi həyata keçir:

“Düşməndən geri alınmış azad Azərbaycan torpağına qayıdışın əsası qoyulur. Cənab Prezidentin imzaladığı sərəncamda qayıdışla bağlı bütün məsələlər öz əksini tapıb. Ancaq bu sərəncamın mənəvi tərəfi qeyri-adi dərəcədə yüksəkdir”.

Deputat bildirib ki, aprel döyüşlərində çox mühüm və əsaslı dönüşə nail olundu:

“Ermənilər təxribat törədərək Azərbaycanı qorxutmaq istəyirdilər. Amma əvəzində Azərbaycan ordusu erməni ordusuna elə bir zərbə vurdu ki, səsi bu gün də eşidilməkdədir. Ermənilər təkcə məğlub olmadılar, sındırıldılar, nəinki Qarabağ torpağından, Yerevandan da baş götürüb qaçırdılar. Bu gün də nə Ermənistan, nə onun kriminal rəhbəri özünə gəlib, nə danışdığını, nə etdiyini başa düşmür, çünki onların alınmaz saydıqları istehkamları aldıq, möhkəmləndirilmiş sərhədlərini darmadağın etdik, silahlarımızın sadəcə bir qisminin gücünü onlara göstərdik”.

B.Sadıqov deyib ki, bütün Azərbaycan xalqı çox böyük sevinc ilə bu qayıdışı müşahidə edir:

“Bu qayıdış böyük qayıdışın başlanğıcıdır. Bu qayıdışı biz tezliklə bütün torpaqlarımızda gerçəkləşdirəcəyik. Azərbaycan getdikcə inkişaf edir, ordusu güclənir, ölkəmizin səsi hər yerdə eşidilir. Dağlıq Qarabağ münaqişəsi Azərbaycanın ərazi bütövlüyü çərçivəsində həll olunacaq. Ermənilər nə qədər sülhə tez gəlsələr, bu, onların özlərinin xeyrinədir. Nə qədər geciksələr, Ermənistanda da adam qalmayacq, ikinci aprel hadisələrində isə Azərbaycanın qalan silahlarının da gücünü ermənilər görəcəklər”.

Qeyd edək ki, ötən gün Azərbaycan Prezidenti işğaldan azad edilmiş Cəbrayıl rayonunun Cocuq Mərcanlı kəndinin bərpası ilə bağlı tədbirlər haqqında sərəncam imzalayıb.

Sərəncama əsasən, Cəbrayıl rayonunun Cocuq Mərcanlı kəndinin bərpası ilə bağlı görüləcək işlər çərçivəsində birinci mərhələdə 50 fərdi yaşayış evinin, məktəb binasının və müvafiq infrastrukturun tikintisi üçün Azərbaycanın 2017-ci il dövlət büdcəsində nəzərdə tutulmuş Azərbaycan Prezidentinin ehtiyat fondundan Qaçqınların və Məcburi Köçkünlərin İşləri üzrə Dövlət Komitəsinə ilkin olaraq 4 milyon manat ayrılıb.

Məqalədə:
Xəbər lenti

Xəbər lenti