Bakı. Səba Ağayeva - Trend:
Qətər bir çox məsələlərdə Azərbaycanın mövqeyini dəstəkləyir.
Trend-in məlumatına görə, bunu Qətərin xarici işlər naziri Şeyx Məhəmməd bin Əbdürrəhman Al-Tani azərbaycanlı həmkarı Elmar Məmmədyarovla Bakıda keçirilən brifinqdə deyib.
Nazirin sözlərinə görə, Qətər və Azərbaycan investisiya fondu yaratmağı planlaşdırırlar.
O, ölkəsinin Azərbaycanla əməkdaşlığa çox böyük marağı olduğunu deyib:
"Bu gün Bakıda keçiriləcək ticari-iqtisadi əməkdaşlıq üzrə hökumətlərarası komissiyanın iclasında bütün sahələrdə əməkdaşlıq məsələləri müzakirə olunacaq".