...

Azərbaycan-Lüksemburq parlamentlərarası dostluq qrupunun ilk görüşü keçirilib (FOTO)

Siyasət Materials 2 Fevral 2017 12:32 (UTC +04:00)
Benilüks Azərbaycanlıları Konqresinin (BAK) lobbiçilik istiqamətində həyata keçirdiyi layihə çərçivəsində Azərbaycan- Lüksemburq parlamentlərarası dostluq qrupunun ilk rəsmi görüşü keçirilib.
Azərbaycan-Lüksemburq parlamentlərarası dostluq qrupunun ilk görüşü keçirilib  (FOTO)

Bakı. Trend:

Benilüks Azərbaycanlıları Konqresinin (BAK) lobbiçilik istiqamətində həyata keçirdiyi layihə çərçivəsində Azərbaycan- Lüksemburq parlamentlərarası dostluq qrupunun ilk rəsmi görüşü keçirilib.

Diasporla İş üzrə Dövlət Komitəsindən Trend-ə verilən məlumata görə, Lüksemburq Deputatlar Palatasının sədri Mars Di Bartolomeonun rəsmi dəvəti ilə Azərbaycan-Lükseburq parlamentlərarası dostluq qrupunun rəhbəri Elmira Axundova və millət vəkili Sabir Hacıyev bu ölkəyə səfər edərək, parlamentdə bir sıra görüşlər keçiriblər.

Nümayəndə heyəti Deputatlar Palatasının sədri Mars Di Bartalomeo, Xarici və Avropa Məsələləri, Müdafiə, Əməkdaşlıq Komitəsinin sədri Mark Angel, Mədəniyyət üzrə dövlət katibi Guy Arendt və digər rəsmilərlərlə görüşüblər. Görüşlərdə BAK prezidenti Sahil Qasımov və Azərbaycanın Belçikadakı səfirliyinin müşaviri Elçin Bəşirov nümayəndə heyətini müşayiət edib.

Səfər zamanı Lüksemburqun Parlament binası və meydanında Azərbaycanın bayrağı dalğalanıb. Səfərin ilk günü nümayəndə heyəti Parlament binası qarşısında erməni diasporunun etiraz aksiyası ilə qarşılansa da, bu, görüşlərin yüksək səviyyədə keçirilməsinə və proqramına mane olmayıb. Azərbaycan-Lüksemburq parlamentlərarası dostluq qrupunun səfəri və keçirdiyi görüşlər yerli mediada geniş işıqlandırılıb.

Qeyd edək ki, səfərin təşkilati işləri ilə əlaqədar olaraq BAK prezidenti S.Qasımov və qurumun Lüksemburqdakı ofisinin rəhbəri Jacque Henckeslə birlikdə Parlamentin I vitse-spikeri J.laurentlə, həmçinin Lüksemburq Xalq Partiyasının üzvləri ilə bir neçə dəfə görüşərək, təşkilati məsələlərlə bağlı müzakirə aparıblar.

Məqalədə:
Xəbər lenti

Xəbər lenti