...

Nazir: Azərbaycan-Polşa münasibətləri beynəlxalq təşkilatlar çərçivəsində faydalı əməkdaşlığa zəmin yaradır

Siyasət Materials 23 Fevral 2017 18:31 (UTC +04:00)
Azərbaycanla Polşa arasında diplomatik əlaqələrin qurulmasının 25 illiyi münasibətilə iki ölkənin xarici işlər nazirləri arasında təbrik məktubu mübadiləsi həyata keçirilib.
Nazir: Azərbaycan-Polşa münasibətləri beynəlxalq təşkilatlar çərçivəsində faydalı əməkdaşlığa zəmin yaradır

Bakı. Trend:

Azərbaycanla Polşa arasında diplomatik əlaqələrin qurulmasının 25 illiyi münasibətilə iki ölkənin xarici işlər nazirləri arasında təbrik məktubu mübadiləsi həyata keçirilib.

Nazirliyin mətbuat xidmətindən Trend-ə verilən məlumata görə, Azərbaycan xarici işlər naziri Elmar Məmmədyarov polşalı həmkarına ünvanlandığı məktubda iki ölkə arasında bugünkü münasibətlərin kökü orta əsrlərə aid olan və 1918-20-ci illərdə yaradılmış diplomatik əlaqələr üzərində qurulduğunu qeyd edib. Azərbaycan və Polşa arasında yüksələn xətlə inkişaf edən ikitərəfli münasibətlərin iki ölkənin beynəlxalq təşkilatlar çərçivəsində faydalı əməkdaşlığına zəmin yaratdığını bildirib.

E.Məmmədyarov Azərbaycan və Polşa arasında ikitərəfli siyasi münasibətlərin uğurla inkişaf etdiyini qeyd edərək, Varşavada NATO sammiti çərçivəsində prezidentlər səviyyəsində keçirilmiş ikitərəfli görüşdə iki ölkə arasında siyasi dialoqun, iqtisadi və humanitar əlaqələrin daha da gücləndirilməsi üzrə razılıq əldə olunduğunu vurğulayıb.

Polşanın xarici işlər naziri Vitold Vaşçikovski E.Məmmədyarova göndərdiyi məktubda Avropanın təhlükəsizliyi üçün Cənubi Qafqaz regionunda xüsusi rol oynayan ölkə kimi Azərbaycan və Polşa arasında müxtəlif sahələrdə dostluq və tərəfdaşlıq münasibətlərinin mövcud olduğunu qeyd edib. O, Azərbaycan və Avropa İttifaqı arasında əməkdaşlığa dair yeni saziş üzrə aparılan danışıqların Azərbaycan və Polşa arasında qarşılıqlı faydalı əməkdaşlığı genişləndirəcəyinə ümidvar olduğunu bildirib.

Məqalədə:
Xəbər lenti

Xəbər lenti