Bakı. Ləman Zeynalova - Trend:
“Cənub Qaz Dəhlizi” layihəsinin reallaşdırılması nəticəsində Azərbaycan enerji təhlükəsizliyinin təmin olunmasında Avropanın tərəfdaşına çevriləcək.
Bunu Trend-ə Haaqa Strateji Araşdırmalar Mərkəzinin enerji təhlükəsizliyi üzrə eksperti Sijbren de Yonq deyib.
Onun sözlərinə görə, bu layihə böyük əhəmiyyət daşıyır, çünki bu, Avropanın rəqabətin daha az olduğu bölgələrinə əlavə qaz tədarük etməyə imkan verəcək.
Ekspert qeyd edib ki, ümumilikdə bu layihə Avropa ilə Azərbaycan arasında iqtisadi əlaqələrin möhkəmlənməsinə səbəb olacaq.