...

Azərbaycan və Gürcüstan hərbi sahədə əməkdaşlığın perspektivlərini müzakirə edib (FOTO)

Siyasət Materials 22 May 2017 13:25 (UTC +04:00)
Gürcüstanda rəsmi səfərdə olan Azərbaycanın müdafiə naziri general-polkovnik Zakir Həsənov bu gün Gürcüstanın müdafiə naziri Levan İzoria ilə görüşüb.
Azərbaycan və Gürcüstan hərbi sahədə əməkdaşlığın perspektivlərini müzakirə edib (FOTO)

Bakı. Trend:

Gürcüstanda rəsmi səfərdə olan Azərbaycanın müdafiə naziri general-polkovnik Zakir Həsənov bu gün Gürcüstanın müdafiə naziri Levan İzoria ilə görüşüb.

Müdafiə Nazirliyinin mətbuat xidmətindən Trend-ə verilən məlumata görə, Gürcüstan Müdafiə Nazirliyində Azərbaycan nümayəndə heyətinin rəsmi qarşılanma mərasimi olub.

Görüşdə ölkələr arasında hərbi, hərbi təhsil, hərbi tibb sahələrində əməkdaşlığın perspektivləri və qarşılıqlı maraq doğuran digər məsələlər barədə ətraflı fikir mübadiləsi aparılıb. Regiondakı hərbi-siyasi vəziyyətə toxunan tərəflər bölgədə sabitliyin təmin olunmasının əhəmiyyətini vurğulayaraq bu formatda münasibətlərin ölkələrin təhlükəsizliyinə və inkişafına töhfə verəcəyini xüsusi qeyd ediblər.

Görüşdən sonra kütləvi informasiya vasitələri nümayəndələri üçün Müdafiə nazirlərinin mətbuat konfransı keçirilib.

Sonra Azərbaycan nümayəndə heyəti Tbilisi şəhərindəki Qəhrəmanlar Meydanında Gürcüstanın ərazi bütövlüyü və müstəqilliyi uğrunda həlak olmuş vətəndaşların xatirəsinə ucaldılmış abidə önünə əklil qoyub və onların xatirəsini yad ediblər.

Məqalədə:
Xəbər lenti

Xəbər lenti