Trend agentliyinin verdiyi məlumata görə, "Azərbaycan hökuməti, Barmek və Bayva şirkətləri arasında bağlanmış investisiya sazişlərinə yenidən baxılması zərurəti mövcuddur", bu barədə Azərenerji ASC-nin prezidenti Etibar Pirverdiyev iyulun 7-də jurnalistlərlə söhbətində bildirib.
Onun sözlərinə görə, Azərenerji bu təkliflə Azərbaycanın baş naziri Artur Rəsizadəyə müraciət edib. "Bunun əsas səbəbi - elektrik paylayıcı şəbəkələrinin qeyri-düzgün idarə olunmasıdır. Şirkətin balansında olan elektrik paylayıcı şəbəkələri Azərenerji ASC-nin istifadəsinə verilməlidir", - deyə, o qeyd edib.
O, həmçinin Barmek və Bayva tərəfindən Azərenerjiyə ödənişin aşağı səviyyəsindən narazı olduğunu bildirib. Xüsusilə ötən ay Barmek verilmiş elektrik enerjisinin yalnız 30%-ni ödəyib. Bayva ilə də belə problemlər mövcuddur.