Azərbaycan Respublikasının xarici işlər naziri Elmar Məmmədyarov iyulun 7-də Avropa Birliyinin (AB) Cənubi Qafqaz üzrə xüsusi nümayəndəsi Heyki Talvityeni qəbul edib.
Azərbaycan XİN-nin mətbuat mərkəzində Trend agentliyinə bildirilib ki, nazir AB ilə münasibətlərin inkişafının ölkə üçün böyük əhəmiyyət kəsb etdiyini qeyd edib.O, ölkədəki sosial-siyasi vəziyyət, seçkiqabağı ab-hava, ədalətli və azad seçkilərin keçirilməsi üçün aparılan məqsədyönlü işlər barədə diplomatı məlumatlandırıb.
H.Talvitye açıq və ədalətli parlament seçkilərinin keçirilməsi və Avropa ictimaiyyətinin buna dəstəyinə ümid etdiyini bildirib.
Görüşdə AB ilə yeni qonşuluq Siyasəti çərçivəsində hazırlanmış əməkdaşlığa dair hərəkət Planının gerçəkləşdirilməsi üzrə fikir mübadiləsi aparılıb.Tərəflər həmçinin Dağlıq Qarabağ münaqişəsinin sülh yolu ilə nizama salınması prosesi üzrə geniş fikir mübadiləsi aparıb.