NATO-nun baş katibi Yap de Hup Sxefferin fikrincə, Cənubi Qafqaz ölkələri ilə alyansın tərəfdaşlığı "ikitərəfli küçə hərəkəti" prinsipi üzrə işləməlidir. Trend in Mediamaksa istinadən yaydığı məlumata görə,bu barədə NATO baş katibi iyulun 11-də Brüseldə keçirilən konfrans zamanı bildirib.
"Biz Qafqazdakı və Mərkəzi Asiyadakı tərəfdaşlarımızla yeni əlaqələr qurmalıyıq.Hər iki region əhəmiyyətli geosiyasi əhəmiyyətə malikdirlər və keçid dövrünün çətinlikləri ilə qarşı-qarşıyadırlar.
NATO onlara çox şey təklif edə bilər və məhz buna görə də biz bu iki regionda öz tərəfdaşlarımızla əməkdaşlığı sürətləndiririk. Biz öz tərəfdaşlığımızı bütünlükdə Avroatlantik tərəfdaşlıq naminə iki tərəfli küçə hərəkəti prinsipi üzrə qurmaq isləyirik ", - Yap de Hup Sxeffer bəyan edib.