İyulun 19-da Türkiyənin müdafiə naziri Vecdi Gönülün Azərbaycana səfəri başlayır.
Bu haqda Trend ə Türkiyənin Azərbaycandakı səfirliyindən bildirilib.
Məlumatda müdafiə nazirinin qarşıdakı səfərinin Azərbaycanın müdafiə naziri, general-polkovnik Səfər Əbiyevin ötən ilin sonunda Türkiyəyə səfərinə cavab olaraq gerçəkləşəcəyi qeyd edilib.
Türkiyənin müdafiə naziri Vecdi Gönül Azərbaycanda olacağı 3 gün ərzində ölkə rəsmiləri ilə bir sıra görüşlər keçirəcək. Onun görüşəcəyi şəxslər arasında Azərbaycanın müdafiə naziri general-polkovnik Səfər Əbiyevlə yanaşı xarici işlər naziri Elmar Məmmədyarov, baş nazir Artur Rasizadə və başqaları da var.
Türkiyənin müdafiə naziri Vecdi Gönülün Azərbaycana səfəri iyulun 22-də başa çatacaq.