ATƏT Azərbaycanın iqtidar və müxalifət partiyalarının nümayəndələri arasında dialoqun keçirilməsində öz köməyini davam etdirəcək. Trend agentliyi bildirir ki, iyulun 22-də Bakıda keçirilən mətbuat konfransında ATƏT-in Azərbaycandakı ofisinin rəhbəri, səfir Robin Sivord bu bəyanatla çıxış edib.
"Şübhəsiz ki, biz bundan sonra da dialoq ideyasını dəstəkləyəcəyik"-deyə R.Sivord qeyd edib.O, bildirib ki, respublikanın iqtidar nümayəndələri və müxalifət liderləri ilə hər görüşündə həmin məsələni müzakirə edir.
Eyni zamanda R. Sivord qeyd edib ki, ATƏT dialoq iştirakçısı deyil, yalnız dialoqun keçirilməsi ideyasını dəstəkləyir.