Moldova Azərbaycanda öz səfirliyini açmağı planlaşdırır. Bu barədə Trend ə diplomatik mənbələrdən məlum olub. Moldovanın Bakıda səfirlik açması məsələsi Moldova prezidenti Vladimir Voroninin ötən il oktyabrın 26-27-də Bakıya rəsmi səfərinin gedişində müzakirə olunub. Bu barədə konkret olaraq 2005-ci il aprelin 20-22-də Azərbaycan prezidentinin Kişinyova səfəri zamanı bəyan edilib.
Hazırda Moldova hökumətində diplomatik nümayəndəliyin açılışının texniki məsələlərini müzakirə edirlir. Qeyd edək ki, Azərbaycanın Moldovadakı səfiri funksiyasını Azərbaycan Respublikasının Ukrayna və Belorusiyada eyni zamanda səfiri olan Tələt Əliyev icra edəcək.
...