Parlament seçkisində "Vətəndaş Cəmiyyəti Qurucuları" Seçki Blokunun 36 nəfər namizədi iştirak edir. Bu barədə Trend ə seçki blokunun üzvü, Ehtiyatda və İstefada Olan Zabitlər İttifaqının sədri Yaşar Cəfərli məlumat verib. O bildirib ki, blokun üzvlərindən 6 nəfəri artıq müvafiq seçki dairələrindən imza vərəqələrini götürüblər. Hazırda seçki blokunun namizədləri imzatoplma kampaniyası və sənədlərinin təqdim edilməsi ilə məşğuldurlar.
Y.Cəfərli onu da bildirib ki, "Vətəndaş Cəmiyyəti Qurucuları" Seçki Bloku avqustun sonlarında seçki ilə bağlı kütləvi tədbirələrə başlayacaq. İlk olaraq qeyri-hökumət təşkilatlarının (QHT) və siyasi partiyaların qeydiyyat problemi ilə əlaqədar Ədliyyə Nazirliyi qarşısında piketlərin keçirilməsi nəzərdə tutulub. Sonra sentyabr ayında şəhərdə və bölgələrdə müxtəlif tədbirlərin keçirilməsi ilə bağlı digər seçki blokları ilə danışıqlara başlanacaq.