Avropa Şurasında (AŞ) Azərbaycanın daimi nümayəndəliyinin saytının hazırlanması üzrə işlər başa çatır. Bu saytda nümayəndəliyin Strasburqda fəaliyyətinə dair operativ informasiyalar yerləşdiriləcək. Bu barədə Trend ə müsahibəsində nümayəndəliyini rəhbəri Aqşin Mehdiyev xəbər verib.
A.Mehdiyev qeyd edib ki, saytda həmçinin Avropa Şurasının strukturlarının müzakirəsinə çıxarılan qərarlara dair materiallar da yerləşdiriləcək.
"Yeni sayt AŞ-nin fəaliyyəti, Parlament Assambleyası sessiyalarının işi barədə Azərbaycan ictimaiyyətini vaxtında məlumatlandırmağa imkan verəcək", - deyə azərbaycanlı diplomat vurğulayıb.