Azərbaycan Respublikasının prezidenti İlham Əliyev "Yaşayış minimumu haqqında" qanunun tətbiq edilməsi ilə əlaqədar ölkənin bir sıra qanunvericilik aktlarına dəyişikliklərin edilməsinə dair sərəncam imzalayıb.
Trend in məlumatına görə, Nazirlər Kabinetinə (NK) bir ay ərzində "Yaşayış minimumu haqqında" qanunun tətbiq olunması ilə bağlı təkliflər hazırlayaraq prezidentə təqdim etmək, Nazirlər Kabineti və müvafiq mərkəzi icra hakimiyyəti orqanlarının normativ-hüquqi aktlarının unifikasiyasını təmin etmək və bu barədə prezidentə məlumat vermək, həmçinin öz səlahiyyətləri çərçivəsində qanunun qəbul edilməsi ilə bağlı digər məsələləri həll etmək tapşırılır.