Bu gün avqustun 17-də ABŞ-ın Bakıdakı səfiri Rino Harnişin Azərbaycanın şimal regionlarına üçgünlük səfəri başlayıb.
Səfirliyin mətbuat xidmətindən Trend ə verilən məlumata görə, səfər çərçivəsində səfirin bir sıra tədbirlərdə iştirakı gözlənilir. Amerikalı diplomat Dəvəçi şəhərində rayon kitabxanası və informasiya mərkəzinin açılışında iştirak edəcək. Daha sonra R.Harniş marketinq mərkəzinin açılacağı Qubaya gedəcək.
Səfər gedişində həmçinin ictimaiyyət nümayəndələri, siyasi partiyaların liderləri və seçki bloklarının üzvləri ilə görüşlər də planlaşdırılır.