Kipr Türk Aviaxəti (KTHY) şirkəti yaxın vaxtlarda Bakıya birbaşa reyslər həyata keçirəcək. Trend in məlumatına görə, bu barədə Türkiyənin "Zaman" qəzetinə istinadən Şimali Kipr Türk Respublikasının (ŞKTR) iqtisadiyyat və turizm naziri Dərviş Kamal Dəniz məlumat verib.
Nazir bildirib ki, Azərbaycan höjkuməti Lefkoşadan Bakıya birbaşa reyslərin açılmasına dair təklifə müsbət yanaşıb. D. K. Dənizin sözlərinə görə, bu reysin ən yaxın vaxtlarda fəaliyyətə başlaması üçün bu istiqamətdə konkret tədbirlər görüləcək.
"Lefkoşa-Bakı-Lefkoşa reysi ən yaxın vaxtlarda həyata keçiriləcək", - deyə ŞKTR-nın iqtisadiyyat və turizm naziri bildirib.