Azərbaycan Milli Demokrat Partiyası (AMDP) Ədliyyə Nazirliyi qarşısında etiraz aksiyası keçirməkdə israrlıdır.
Partiyadan Trend ə verilən məlumata görə, AMDP-nin dövlət qeydiyyatına alınması probleminin həllini tapmamasına etiraz olaraq avqustun 24-də nazirliyin qarşısında piket keçiriləcək. Aksiya ilə bağlı müraciətə Bakı Şəhər İcra Hakimiyyətindən hələlik cavab verilməyib.
Partiya fəalları Bakı Şəhər İcra Hakimiyyətinin razılıq verib-verməməsindən asılı olmayarapq piket keçirəcəklərini bildiriblər. Sentyabr ayında isə Milli Demokrat Partiyasının silsilə aksiyaları başlayacaq. Bu barədə artıq partiya rəhbərliyinin qərarı var.
Qeyd edək ki, AMDP-nin bundan əvvəl Ədliyyə Nazirliyinin qarşısında piket keçirmək cəhdlərinin qarşısı polislər tərəfindən alınıb.