Hacı Məmmədovun həbsdə olan yaxın qohumu Xosrov Cavadovun vəziyyəti pisləşib.
Trend ə bu barədə məlumat verən Bayıl təcridxanasındakı mənbə bildirib ki, qanunsuz odlu silah saxlamaqda təqsirləndirilən və hazırda Abşeron rayon Məhkəməsində məhkəməsi keçirilən 1930-cu il təvəllüdlü Xosrov Cavadov əvvəllər iki dəfə infarkt keçirib.
Avqustun 18-də isə axşam saatlarında onun səhhəti kəskin şəkildə pisləşib. Dustağı dərhal təcridxananın tibb məntəqəsinə köçürüblər. Bayıl təcridxanasından verilən məlumata görə, hazırda Xosrov Cavadovun səhhəti bir qədər normallaşıb.