...

AZƏRBAYCAN PREZİDENTİ KAZANDA MDB ÖLKƏLƏRİNİN SAMMİTİNDƏ İŞTİRAK EDƏCƏK

Siyasət Materials 25 Avqust 2005 13:05 (UTC +04:00)

Azərbaycan Respublikasının prezidenti İlham Əliyev MDB ölkələrinin avqustun 26-27-də Kazanda keçiriləcək sammitində iştirak edəcək. Bu barədə Trend ə prezidentin İcra Aparatından xəbər verilib.

Avqustun 26-da keçiriləcək MDB dövlətləri başçılarının növbəti iclasının gündəliyinə Birlik ölkələri orqanlarının təkmilləşdirilməsi və dəyişdiriliməsi haqqında qərar, MDB dövlətlərinin humanitar əməkdaşlığına dair saziş, BMT-nin 60 illiyi münasibətilə bəyanat, Çernobıl AES-də qəzanın 20 illiyi ilə əlaqədar Birlik ölkələrinin xalqlarına və dünya ictimaiyyətinə müraciət kimi 10-a yaxın məsələ daxil edilib. Dövlət başçısı Kazanın 1000 illiyinə həsr olunmuş tədbirlərdə iştirak edəcək.

İlham Əliyev səfər zamanı MDB ölkələrindən olan həmkarları ilə görüşmək niyyətindədir. Avqustun 27-də Ermənistan prezidenti Robert Köçəryanla Dağlıq Qarabağ münaqişəsinin sülh yolu ilə nizamlanması prosesi üzrə birbaşa danışıqların növbəti raundunun keçiriləcəyi nəzərdə tutulub. Həmçinin Rusiya və Ukrayna prezidentləri ilə də görüşlər planlaşdırılıb.

Xəbər lenti

Xəbər lenti