Avqustun 30-dan sentyabrın 1-nə kimi amerikalı senatorlar Riçard Luqar (Richard Lugar) və Barak Obama (Barack Obama) Azərbaycana səfər edəcəklər. Bu barədə Trend ə ABŞ-ın Bakıdakı səfirliyində məlumat verilib.
Səfər çərçivəsində parlamentarilər hökumət nümayəndələri, müxalifət liderləri ilə görüşərək, ABŞ-Azərbaycan münasibətlərini müzakirə edəcəklər. Avqustun 31-də onlar səfərin yekunları ilə bağlı mətbuat-konfransı keçirəcəklər.
R.Luqar Senatın Xarici Əlaqələr Komitəsinin sədri, B.Obama isə İllinoys ştatından demokratdır.