Müxalifyönlü "Azadlıq" seçki bloku sentyabrın 10-da keçirəcəyi yürüş-mitinqlə bağlı Bakı Şəhər İcra Hakimiyyətinə müraciət göndərib. Bu barədə Trend ə "Azadlıq" blokundan məlumat verilib.
Müraciətdə bildirilir ki, AXCP, ADP və Müsavat partiyalarını birləşdirən "Azadlıq" bloku sentyabrın 10-da saat 17.00-dan 19.00-dək metronun "20 Yanvar" stansiyasından başlayaraq "Qələbə" kinoteatrının qarşısınadək yürüş-mitinqi keçirəcək.
Aksiyada parlament seçkilərinin azad, ədalətli keçirilməsi, demokratik seçki mühitinin və bütün namizədlər üçün bərabər şəraitin yaradılması, Rəsul Quliyevin ölkəyə qayıdışının təmin olunması, müxalifətə qarşı "qapa piar" kampaniyasına son qoyulması kimi tələblər səsləndiriləcək.