"Məktəblərin kompüterləşdirilməsi üzrə üçillik proqrama 20 mln dollar vəsait ayrılacaq". Trend in xəbər verdiyi kimi, bu barədə Azərbaycanın təhsil naziri Misir Mərdanov bildirib.
Onun sözlərinə görə, 2005-ci ildə Bakı və Sumqayıt məktəbləri üçün kompüterlərin alınmasına 20 mlrd manat ($4 mln) ayrılıb. "2005-ci ildə bu proqram ilk dəfə həyata keçirildiyindən, bizim üçün bir qədər çətin olub.
Lakin 2008-ci ilə kimi biz ölkənin bütün məktəblərini kompüterlə təmin edəcəyik", - deyə nazir qeyd edib.