Milli Məclis tərəfindən bələdiyyələrlə icra orqanları arasında əlaqələrin tənzimlənməsinə dair qanun layihəsi hazırlanır. Trend in məlumatına görə, bu barədə Ədliyyə Nazirliyinin Bələdiyyələrlə İş üzrə Mərkəzinin rəhbəri Mehdi Səlimzadə açıqlama verib.
M.Səlimzadə bildirib ki, yerli özünüidarə strukturları olan bələdiyyələrlə həmin ərazinin icra hakimiyyətləri arasında münasibətlərdə bir sıra problemlər var. Bu problemlər özünü daha çox ölkənin şimal və cənub regionlarında qabarıq şəkildə büruzə verir.
Lakin M.Səlimzadə hesab edir ki, bələdiyyələrlə icra hakimiyyəti orqanları arasında əlaqələrin qarşılıqlı tənzimlənməsi haqqında qanun layihəsi parlament tərəfindən qəbul edildikdən sonra bu problemlər azalacaq.