İslam Partiyasının sədri Hacıağa Nurinin namizədliyinin ləğv edilməsinə etiraz olaraq piketlər və mitinq keçiriləcək. Bu barədə Trend ə "Azərbaycançı Qüvvələr" Seçki Blokunun həmtəsisçisi, Vəhdət Partiyasının sədri Tahir Kərimli məlumat verib.
O bildirib ki, məhkəmə yolu ilə H.Nurinin namizədliyi bərpa olunmasa, oktyabrın 1-də "Qələbə" meydanında mitinq keçirəcəklər. Həmçinin, Mərkəzi Seçki Komissiyasının (MSK) qarşısında növbəti dəfə etiraz piketləri keçiriləcək.
Tahir Kərimli onu da qeyd edib ki, "Azərbaycançı Qüvvələr" Seçki Blokunun qeydə alınmış namizədlərinin namizədlikləri bir-birinin ardınca ləğv olunur. Onun sözlərinə görə, bu proses nəticəsində blokun 42 namizədindən hazırda təxminən 37-38 nəfər namizədi qalıb.