Norveçin Azərbaycandakı səfiri Steynar Gil Şamaxıda seçkiqabağı vəziyyətlə tanış olub. Səfirlikdən Trend ə verilən məlumata görə, Şamaxıya səfəri zamanı səfir "Azadlıq" blokunun tərkibinə daxil olan siyasi partiyaların rayon bölmələrinin nümayəndələri ilə görüşüb.
Görüş çərçivəsində rayonda ictimai-siyasi vəziyyət, namizədlərin təşviqat kampaniyası zamanı söz azadlığı və demokratiyanın təmin olunmasına dair fikir mübadiləsi aparılıb.
Səfir, həmçinin, rayon icra hakimiyyətinin başçısı Natiq Məmmədov və "Yeni Azərbaycan" partiyasının rayon bölməsinin rəhbərliyi ilə də görüşməyi planlaşdırırdı. Lakin onun və icra başçısının cədvəlindəki dəyişikliklərlə əlaqədar görüş başqa vaxta keçirilib.