...

Heydər Babayev Azərbaycanın iqtisadi inkişaf naziri təyin edilib

Siyasət Materials 19 Oktyabr 2005 17:07 (UTC +04:00)
Heydər Babayev Azərbaycanın iqtisadi inkişaf naziri təyin edilib

Azərbaycan prezidenti İlham Əliyevin sərəncamı ilə Azərbaycanın iqtisadi inkişaf naziri vəzifəsinə Heydər Babayev təyin edilib. Trend in məlumatına görə, əvvəl bu vəzifəni oktyabrın 19-da Azərbaycan prezidenti İlham Əliyevin fərmanı ilə vəzifəsindən kənarlaşdırılan Fərhad Əliyev icra edirdi.

Heydər Babayev 1957-ci ildə Bakıda anadan olub. 1980-ci ildə T.Şevçenko adına Kiyev Dövlət Universitetinin Beynəlxalq münasibətlər fakultəsini bitirib. 1981-1989-cu ilə kimi valyuta təhlükəsizliyi üzrə müfəttiş, daha sonra SSRİ Xarici Ticarət Bankında idarə rəisinin müavini kimi çalışıb. 1989-1992-ci illərdə "Bolqarİnvest" (Bolqarıstan və SSRİ BM) şirkətinin rəhbərinin müavini vəzifəsində işləyib. 1992-ci ildən 1997-ci ilə kimi Türkiyə Xarici İqtisadi Bankının baş nümayəndəsi,1997-1998-ci illərdə "Mostbank"ın vitse-prezidenti olub. 1999-cu ildən Azərbaycan prezidenti yanında Qiymətli Kağızlar üzrə Dövlət Komitəsinə rəhbərlik edir.

Qeyd edək ki, oktyabrın 19-da Azərbğaycan prezidenti İlham Əliyevin fərmanı ilə Heydər Babayev Qiymətli Kağızlar üzrə Dovlət Komitəsinin rəhbəri vəzifəsindən azad edilib.

Xəbər lenti

Xəbər lenti