Türkiyənin TRT teleşirkəti 11 jurnalistdən ibarət qrup vasitəsilə Azərbaycanda parlament seçkiləri günü səsvermənin gedişini işıqlandırmağı planlaşdırır. Jurnalistlərin 4-ü Bakıya noyabrın 4-də səhər gələcək. Bu barədə Trend ə şirkətin Bakıdakı nümayəndəliyindən məlumat verilib.
Nümayəndəlikdə o da qeyd edilib ki, səfər çərçivəsində respublikanın seçki məntəqələrindən birbaşa yayımların təşkili nəzərdə tutulub. "TRT Azərbaycandakı vəziyyəti hərtərəfli işıqlandırmaq üçün mümkün olan hər şeyi edir. Bununla əlaqədar o, 1 ay ərzində tərtib etdiyi proqramların 12 xüsusi buraxılışını hazırlayıb", - deyə nümayəndəlikdə bildirilib.