Ukraynanın Azərbaycanda yeni təyin olunmuş səfiri Stepan Volkovetski ən yaxın vaxtda Azərbaycana gələcək. Bu barədə Trend ə Ukraynanın Azərbaycandakı müvəqqəti işlər müvəkkili İqor Kizima ekskluziv məlumat verib.
Onun sözlərinə görə, bir sıra texniki proseduralardan sonra o yeni vəzifəsinin icrasına başlayacaq. Yeni səfir kadr diplomatı deyil. O diplomatik karyerasına 3 il əvvəl Gürcüstanda başlayıb və Ukraynanın bu ölkədəki diplomatik missiyasına başçılıq edib. İ.Kizimanın sözlərinə görə, öz növbəsində S.Volkovetski Ukraynanın İvano-Franskovsk vilayətinin qubernatoru işləyib.
Azərbaycana gəldikdən dərhal sonra səfir öz etimadnaməsini ölkə başçısına təqdim etməyi planlaşdırıb.
Xatırladaq ki, Ukrayna prezidenti Viktor Yuşşenko noyabrın 21-də Stepan Volkovetskini Ukraynanın Azərbaycanda Fövqəlğadə və Səlahiyyətli səfiri təyin edilməsi barədə sərəncam imzalayıb.