"Fövqəladə Seçki Komitəsində (FSK) təmsil olan şəxslər əlavə seçkilərdə iştirak etməyəcəklər". Bu barədə Trend ə FSK-nin rəhbəri, Sosial Ədalət Partiyasının sədri Mətləb Mütəllimli bildirib.
Qeyd edək ki, FSK-da 2005-ci il 6 noyabr parlament seçkilərində iştirak edən 500-ə yaxın namizəd təmsil olunub.
M.Mütəllimli rəhbərlik etdiyi komitənin yanvar ayında toplantısının olacağını qeyd edib: "Bu toplantıda komitənin gələcək fəaliyyət istiqamətləri müzakirə ediləcək. Komitənin fəaliyyətinə xitam verilməsi də, fəaliyyətini başqa formatda davam etdirməsi də istisna deyil".