Bu il Azərbaycan idmançıları ən iri beynəlxalq yarışlarda 213 medal qazanıb.
Trend in xəbər verdiyi kimi, Gənclər, İdman və Turizm naziri Əbülfəz Qarayev qeyd edib ki, bu, rekord göstəricidir. "2004-cü ildə 191 medal qazanılsa da, cari ildə bu göstəricini yaxşılaşdırmaq mümkün olub və irəliləyiş göz qabağındadır", - deyə nazir əlavə edib. Onun sözlərinə görə, atletlərin Dünya və Avropa çempionatları və birincilikləri, həmçinin, "A" kateqoriyalı superturnirlərdəki nailiyyətləri nəzərə alınıb.
Qeyd edək ki, 213 medalın 122-si olimpiya idman növləri üzrə qazanılıb ki, bu da kifaəyət qədər müsbət göstəricidir.