Qloballaşan Azərbaycan Sivil İnkişaf Mərkəzi (QASİM) 2006-cı ilin iyun ayında Bakıda ilk dəfə olaraq MDB-nin gənc siyasi liderlərinin və MDB qlobalistlərinin zirvə toplantısını keçirəcək. Bu barədə Trend ə QASİM-in həmsədri Anar Əsədbəyli qurumun 2006-cı il proqramını açıqlayarkən bildirib.
A.Əsədbəyli onu da qeyd edib ki, öncə proqramda qurumun kitabxanasını yaratmaq və 20 kitab nəşr etmək niyyətindədirlər: "Aprel ayında isə Azərbaycanın gənc intellektlərinin birinci ümumrespublika forumunu keçirməyi planlaşdırmışıq", - deyə o vurğulayıb.