Bu il 13 mayda keçiriləcək təkrar parlament seçkisində iştirak etmək üçün namizədliyini irəli sürənlərin sayı bir nəfər artıb. Bu barədə Trend ə Mərkəzi Seçki Komissiyasından (MSK) məlumat verilib.
Yanvarın 6-da 31 saylı Suraxanı ikinci seçki dairəsindən Əkbərov Əlimuxtar bitərəf qaydada öz namizədliyini irəli sürüb. Beləliklə 31 saylı Suraxanı ikinci seçki dairəsindən namizədliyini irəli sürənlərin sayı 7 nəfərə çatıb. Bir nəfər isə 44 saylı Sumqayıt-Abşeron dairəsindən namizədliyini verib və hələlik seçkidə iştirak etmək istəyənlərin sayı 8 nəfərdir.
Qeyd edək ki, bu il 13 mayda cəmi 10 seçki dairəsi üzrə parlamentə təkrar seçki keçiriləcək.