...

Azərbaycanın Rabitə nazirliyi yeni mobil operatorlarla müqavilələr imzalayıb

Siyasət Materials 11 Yanvar 2006 12:57 (UTC +04:00)
Azərbaycanın Rabitə nazirliyi yeni mobil operatorlarla müqavilələr imzalayıb

Rabitə və İnformasiya Texnologiyaları nazirliyi yeni mobil operatorlarla müqavilələr imzalayıb. Trend in xəbər verdiyi kimi, bu barədə jurnalistlərə rabitə naziri Əli Abbasov məlumat verib.

Nazirliyin dekabrın 28-də keçirilmiş kollegiyasının qərarı ilə Aztelekom BM (10%), Almaniyanın Siemens (30%) və iki Britaniya şirkətinin (60%) təsis etdiyi Azerphone BM (GSM operatoru) və Catel Azərbaycan-Amerika BM-ə (CDMA operatoru) mobil rabitə xidmətlərinin göstərilməsi üzrə lisenziya verilib.

Nazirin sözlərinə görə, hazırda texniki işlərə başlanılıb. "Yeni Azerphone GSM operatoru tərəfindən xidmətlərin göstərilməsi 6 aydan sonra planlaşdırılır", - deyə Ə.Abbasov qeyd edib.

O hesab edir ki, bazar şərtləri ilə yeni operatorlar tərəfindən təklif olunan xidmətlərin tarifi Azercell və Bakcell BM-in təklif etdiyi tariflərdən aşağı olmalıdır.

Siemens və Aztelekom arasında aparılmış müzakirələr zamanı 2 il ərzində $300 mln sərmayənin qoyulması planlaşdırılır. Aztelekom BM-in payına düşən sərmayənin bir hissəsini Siemens öz üzərinə götürəcək.

Layihənin əsas tələbi iki il ərzində Azərbaycanın bütün regionlarını mobil rabitə ilə təmin etməkdir.

Xəbər lenti

Xəbər lenti