"Naxçıvanqaz" Məhdud Məsuliyyətli Cəmiyyətinin (MMC) müdiri Əli Novruzov Trend ə bildirib ki, artıq Naxçıvan Muxtar Respublikasının (NMR) bütün rayonlarında - Şahbuz, Babək, Cülfa, Ordubad, Şərur, Sədərək və Kəngərlidə, əvvəl hündür mərtəbəli binalara, sonra isə ikimərtəbəli binalara qaz xətləri çəkilib.
Hal-hazırda təbii qazın çəkilişində abunəçilərin sayı 6400 nəfərə çatıb. Naxçıvan şəhərində 17 qazanxananın 16-sı artıq təbii qazla çalışır. Naxçıvan şəhərində olan 133 şəxsi evdə də təbii qaz yanır.