Azərbaycan Yolu Siyasi Hərəkatının Koordinasiya Şurasının yanvarın 24-də keçiriləcəyi toplantısında hərəkatın İcra Aparatı formalaşdırılacaq. Bu barədə Trend ə adıçəkilən hərəkatın Koordinasiya Şurasının üzvü Taleh Əliyev bildirib.
T.Əliyev bildirib ki, toplantıda struktur dəyişikliyi, yeni təyinatlar və hərəkata yeni üzvlərin qəbul ediləcəyi də təsdiqlənəcək: "Hazırda Koordinasiya Şurasının 35 üzvü var. Daha bir neçə qeyri-hökumət təşkilatının hərəkata üzv olmaqla bağlı müracətinə toplantıda baxılacaq. Çox güman ki, onlar da hərəkata üzv olacaqlar".
T.Əliyev onu da qeyd edib ki, toplantı Azərbaycan Naminə Hərəkatın qərargahında keçiriləcək.