"Parptiyamızın qeydiyyat probleminin nəhayət həllini tapması üçün qurultayda lazımi qərarlar qəbul edilməlidir". Bu fikirləri Trend ə açıqlamasında Azərbaycan Xalq Cəbhəsi Partiyasının (AXCP) "klassiklər" qanadının sədri Mirmahmud Mirəlioğolu bildirib.
O, qeyd edib ki, AXCP-nin (klassiklər) dövlət qeydiyyatına adınması üçün bu il keçiriləcək qurultayda partiyanın adında dəyişiklik edilməsi gözlənilir. Mirmahmud Mirəlioğlunun sözlərinə görə, partiyanın adında ediləcək dəyişikliklə bağlı irəli sürülən bütün təkliflərə baxılacaq: "Qeydiyyat məsələsinin həlli üçün bütün addımlar atılmalıdır. Ona görə də əvvəlcə Ali Məclisdə aparılacaq müzakirələrdə bütün təkliflər hərtərəfli təhlil ediləcək, sonra təkliflər səsverməyə çıxarılacaq. Qurultayda proses yekun həllini tapmalıdır"-deyə M.Mirəlioğlu vurğulayıb.
Partiya sədri onu da deyib ki, hazırda sərt hava şəraiti ilə əlaqədar Ali Məclisin iclası çağırılmır. Qeyd edək ki, qurultayın vaxtı partiyanın Ali Məclisinin iclasında təyin olunacaq.