Aprelin 15-dək qurultayla bağlı işlərimizi yekunlaşdırmalıyıq. Bu barədə Trend ə Azərbaycan Milli İstiqlal Partiyasının (AMİP) təşkilat katibi Rəşad Bayramov bildirib.
R.Bayramov qeyd edib ki, AMİP Siyasi Şurasının yanvarın 29-da keçirilən iclasında qurultaya hazırlıqla bağlı qəbul edilən təlimata əsasən fevrlanı 10-dan martın 1-ədək partiyanın özəklərində iclaslar keçiriləcək: "Bu iclaslar qurtarandan sonra martın 1-dən aprelin 15-dək partiyanın rayon və şəhər təşkilatlarında konfranslar keçiriləcək və qurultaya nümayəndələr seçiləcək".
AMİP rəsmisi onu da vurğulayıb ki, qurultaya hazırlıqla bağlı son mərhələ aprelin 15-dək yekunlaşmalıdır. Qurultay isə aprelin son on günlüyündə keçiriləcək. R.Bayramov onu da bildirib ki, pratiyanın lideri Etibar məmmədov mütəmadi olaraq rəhbərliklə əlaqə saxlayıb qurultaya hazırlıq işləri ilə maraqlanır.