"Mərkəzi Seçki Komissiyasının (MSK) yeni tərkibinin formalaşdırılmasından sonra 5 gün müddətində sədr və katiblər seçilməlidir". Trend xəbər verir ki, bu barədə MSK-nın üzvü Natiq Məmmədov bildirib.
N.Məmmədov onu da qeyd edib ki, MSK-nın yeni tərkibi onu tam qane edib. MSK-nın yeni tərkibində müxalifət nümayəndələrinin təkrar seçkilərə qədər azlıq təşkil etməsinin komissiyanın gələcək fəaliyyətinə heç bir mənfi təsir göstərməyəcəyini deyən N.Məmmədov bildirib: "Kvorm olduğundan hər hansı bir qərarın qəbul edilməsində problem olmayacaq".
MSK üzvü onu da bildirib ki, Seçki Məcəlləsinin 24-cü maddəsində MSK-da müxalifət nümayəndələrinin təmsil olunması ifadəsi göstərilməyib: "MSK-nın formalaşmasında parlamentdə təmsil olan çoxluq və azlıqın nümayəndələrinin təmsilçiliyindən söhbət gedir". N.Məmmədov vurğulayıb ki, dünya təcrübəsində komissiyalar heç bir siyasi partiyalar tərəfindən formalaşmır, peşəkarlar tərəfindən formalaşır.