Azərbaycan, Bakı, 9 may /Trend, müxbir E.Mehdiyev/
Azərbaycanlıların Suriyaya gedərək döyüşlərdə iştirak etmələrinin qarşısını almaq üçün müvafiq tədbirlər görülür. Trend-in məlumatına görə, bunu cümə günü jurnalistlərə Azərbaycanın millətlərarası, multikulturalizm və dini məsələlər üzrə yeni dövlət müşaviri Kamal Abdulla deyib.
K.Abdulla deyib ki, qanundankənar heç bir hərəkət cəzasız qalmayacaq: "Dövlətçiliyə qarşı hər hansı bir hərəkət edilərsə, müvafiq cəzalarını alacaqlar".
Onun sözlərinə görə, Azərbaycanda dini vəziyyət stabildir.