...

Azərbaycanda noyabrın sonuna kimi hava qeyri-sabit olacaq

Cəmiyyət Materials 26 Noyabr 2014 12:43 (UTC +04:00)
Noyabrın sonuna kimi ölkə ərazisində qeyri-sabit, yağıntılı hava şəraiti davam edəcək.
Azərbaycanda noyabrın sonuna kimi hava qeyri-sabit olacaq

Azərbaycan, Bakı, 26 noyabr /Trend, müxbir İlhamə İsabalayeva/

Noyabrın sonuna kimi ölkə ərazisində qeyri-sabit, yağıntılı hava şəraiti davam edəcək.

Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, Bakıda və Abşeron yarımadasında noyabrın 27-də buludlu hava şəraitinin üstünlük təşkil edəcəyi, gün ərzində yağıntılı olacağı gözlənilir. Şimal küləyi əsəcək.

Havanın temperaturunun gecə 4-6, gündüz 6-8 dərəcə isti olacağı gözlənilir.

Azərbaycanın rayonlarında noyabrın 27-də hava şəraitinin fasilələrlə yağıntılı olacağı, dağlıq və dağətəyi rayonlarda sulu qar, qar yağacağı gözlənilir. Bəzi yerlərdə duman olacaq. Şərq küləyi əsəcək, ayrı-ayrı yerlərdə arabir güclənəcək.

Havanın temperaturunun gecə 0-5, gündüz 5-10 dərəcə isti, dağlarda gecə 5-10 dərəcə şaxta, gündüz 2 dərəcə şaxtadan 3 dərəcəyədək isti olacağı gözlənilir.

Məqalədə:
Xəbər lenti

Xəbər lenti