Azərbaycan, Bakı, 28 noyabr /Trend, müxbir Elçin Mehdiyev/
Dövlət Sosial Müdafiə Fondunun gələn il üçün büdcəsinə dəyişiklik edilib. Trend-in məlumatına görə, bu barədə DSMF sədri Elman Mehdiyev Milli Məclisin bu gün keçirilən iclasında deyib.
E.Mehdiyevin sözlərinə görə, DSMF-nin gələn il üçün büdcəsinə 100 min manat əlavə edilib. O bildirib ki, sanatoriya-kurort yollayışlarında da artım olub: "Bu məbləğ 122,8 min manatdan növbəti il üçün 222 min manata çatdırılıb. Bu artım DSMF-nin saxlama xərclərinin azaldıması hesabına mümkün olub. Nəzərdə tutulan artımın 30,3 min manatı sığorta olunanların uşaqlarının kurort və istirahəti, 167,4 min manatı Azərbaycan Həmkarlar İttifaqının idman cəmiyyətlərinin inkişafı, 9,7 min manatı sanatoriyada qida və tibbi personallar üçün nəzərdə tutulub".
DSMF-nin gələn il üçün büdcəsi Milli Məclisdə səsə qoyularaq qəbul edilib.