...

Azərbaycanda qış ayında yaz havası

Cəmiyyət Materials 18 Dekabr 2014 12:44 (UTC +04:00)
Azərbaycanda yağmursuz, mülayim hava şəraiti davam edəcək.
Azərbaycanda qış ayında yaz havası

Azərbaycan, Bakı, 18 dekabr /Trend, müxbir İlhamə İsabalayeva/

Azərbaycanda yağmursuz, mülayim hava şəraiti davam edəcək.

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən Trend-ə bildiriblər ki, dekabrın 19-də Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Hava əsasən yağmursuz keçəcək. Cənub-qərb küləyi arabir şimal-qərb küləyi ilə əvəzlənəcək. Havanın temperaturunun gecə 5-7, gündüz 8-12 dərəcə isti olacağı gözlənilir.

Azərbaycanın rayonlarında dekabrın 19-da əksər rayonlarda hava əsasən yağmursuz keçəcək. Gecə və səhər bəzi yerlərdə duman müşahidə ediləcək. Arabir güclənən qərb küləyi əsəcək.

Havanın temperaturunun gecə 3-8, gündüz 8-13 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 5-10 dərəcə isti olacağı gözlənilir.

Mülayim hava şəraiti yaxın 2-3 gündə davam edəcək.

Məqalədə:
Xəbər lenti

Xəbər lenti