...

Azərbaycana günəşli günlər qayıdır

Cəmiyyət Materials 23 Fevral 2015 12:33 (UTC +04:00)
Bu gündən Azərbaycanda havanın temperaturu yüksəlməyə başlayacaq.
Azərbaycana günəşli günlər qayıdır

Azərbaycan, Bakı, 23 fevral /Trend, müxbir İlhamə İsabalayeva/

Bu gündən Azərbaycanda havanın temperaturu yüksəlməyə başlayacaq.

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Trend-ə bildiriblər ki, fevralın 24-də Bakıda və Abşeron yarımadasında havanın dəyişkən buludlu, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Mülayim şimal-şərq küləyi əsəcək.

Havanın temperaturu gecə 0-2 dərəcə şaxta, gündüz 6-8 dərəcə isti təşkil edəcək. Gecə və səhər yollar buz bağlayacaq.

Sabah Azərbaycanın rayonlarında hava şəraitinin gün ərzində əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Mülayim şərq küləyi əsəcək.

Havanın temperaturu Aran rayonlarında gecə 2 dərəcə şaxtadan 3 dərəcəyədək isti, gündüz 5-10 dərəcə isti, dağlarda gecə 6-11 dərəcə şaxta, gündüz 1-6 dərəcə isti olacaq. Yollar buz bağlayacaq.

Məqalədə:
Xəbər lenti

Xəbər lenti